Estellerriko Irakurle Klubaren hirugarren edizioa

Maitea, Toni Morrison

GAREANek urriaren 25ean emanen dio hasiera irakurle klubaren hirugarren edizioari, aurreko urteko esperientzia onak hartaraturik. Gogoratu nahi dugu horrelako talde bat aurrera eramateko arrazoi nagusietarik bat izan zela nolabaiteko beharra –eta hutsunea– ikusten genuela arlo horretan: joan den urtera arte gure eskualdean ez zegoen aukerarik zenbait literatura-lanen inguruan euskaraz solasteko, irakurle klub bat bezalako iritzigune –eta emoziogune— batean.

Proiektu honen helburu nagusia, aurreko urteetan adierazi bezala, eztabaida izanen da: kide guztien iritziak, ahotsak eta emozioak aditzea, liburu bera irakurtzeko modu ezberdinak kontrastatzea, eta, bide batez, bertze liburu batzuez ere solastea, eta, ildo hori harturik, menturaz, baita bizitzaz ere; eta, gainera, euskaraz egin ahal izatea.

Oroitarazi nahi dugu kluba euskaraz guti-asko irakurtzen duen orori dagoela zuzendua, hortaz, nahikoa da gutienezko irakurzaletasuna zein literaturzaletasuna izatea bertan parte hartzeko. Beraz, jendea animatu nahi dugu parte har dezan; gainera, ez da behar-beharrezkoa saio guztietara joatea eta, ikasturtean zehar, norberak ikusiko du noiz parte hartu.

Aurten ere sei saio izanen dira, eta bi idazle etorriko zaizkigu: Itxaro Borda azaroaren 29an eta Pello Lizarralde otsailaren 28an. Hona Lizarrako liburutegian eginen ditugun saioen xehetasunak:

Eguna eta ordua Liburua eta idazlea
Urriak 25, ortzeguna, 19:30 Maitea, Toni Morrison
Azaroak 29, ortzeguna, 19:30 Boga boga, Itxaro Borda
Urtarrilak 31, ortzeguna, 19:30 Etxekalte, Harkaitz Zubiri
Otsailak 28, ortzeguna, 19:30 Orbanak, Pello Lizarralde
Apirilak 25, ortzeguna, 19:30 Twist, Harkaitz Cano
Maiatzak 30, ortzeguna, 19:30 Jakobian eraikina, Alaa Al Aswani
Advertisements

lizarbeibar -ri buruz

Lizarraldeko edota Itzarbeibarreko euskarazko jardueraren bat iragarri nahi baduzu, jarri gurekin harremanetan. lizarbeibar@gmail.com
Post hau Garean atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s