Haurren lehen matrikulazioa, euskarazko murgiltze ereduaren aldeko kanpainak

matrikulazio kanpaina 2

Haurren lehen matrikulaziorako epea zabaldu eginen da datorren otsailaren 1etik 8ra. Aurreneko matrikulazioan (Haur Hezkuntzako Lehen maila, edo bestela erranda, 3 urtetako haurrak) aukeratzen den hizkuntza-eredua, ziurrenik, derrigorrezko eskolatze osoan mantenduko dute. Pertsona batek euskara ikasteko metodorik onena txikitatik ikastea da, gurasoek hori berma dezakete bi bide uztartuz: batetik, ingurune euskaldun bat eskainiz (etxean, aisialdian, antolatutako jardueretan … ) eta, bestetik, eskolatzean euskarazko murgiltze ereduan sartuz. Hori dela eta, hainbat kanpaina abiatu dira Nafarroan.

Albistea ilustratzen duten bi irudiak bi kanpainatik atereak dira. Ezkerrekoa, zenbait Udal Euskara Zerbitzuen kanpaina dugu, eta honen baitan gogorarazi bihar, larunbatarekin, Irrien Lagunak Kluba Garesen gozatu ahalko dugula bertako eskolan, 17:00etan. Bigarren irudia berriz, Ikastolek abiatutako kanpainaren baitan dago, Euskal Herri osoko txoko guztietan horrelako liburuak uzten ari dira gurasoak, liburuak askatzen ari dira jendarteari oparitzeko. Bi kanpaina hauetaz gain, Lizarran gaur Lizarraldeko euskalgintzak prentsaurrekoa egin du abiatu berri duen kanpaina iragarriz, bihar izanen duzue honen berri blogean.

Nafarroan abiatutako kanpainak:

Nafarroako 15 udal entitatek (tartean Garesko Udala) Irrien Lagunak Klubarekin elkarlanean Hazi eta Irabazi D ereduan kanpaina.
Ikastolen Elkarteak (tartean eskualdeko Ikastolak) Inbertsiorik errentagarriena kanpaina.
Nafarroako Ikastetxeetako Zuzendaritzakideen Elkarteak, NIZEk, Argi Ikusi kanpaina.
Lizarraldeko euskalgintzak, azkenik, berezko kanpaina eginen du Duzun Onena liburuxkaren mezuaren inguruan: hainbat ekimen eta jarduera izanen dira kanpaina honetan. Bihar kanpaina honen gaineko informazioa zabalduko dugu blogean bertan.

lizarbeibar -ri buruz

Lizarraldeko edota Itzarbeibarreko euskarazko jardueraren bat iragarri nahi baduzu, jarri gurekin harremanetan. lizarbeibar@gmail.com
Post hau EHE, Euskaltegiak, Euskaraz bizi nahi dut, Garean, Irriherri, Mintzakide atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s