Irriherri elkartearen prentsa-oharra, PAI Villatuertan

Irriherri elkartea

Azken hilabeteotan hainbat udalerritako eskoletan PAI programa ezartzeko prozesuan daude, haien artean Villatuertan eta Garesen. Hori dela eta Irriherri euskara elkarteak prentsa-oharra zabaldu du bere “harridura eta kexa” adieraziz. Gai honek sortzen dituen kezken eta zalantzen eredu ditugu aste honetan izanen diren bi hitzaldi (gaztelaniaz biak). Bata, gaur bertan Garesko eskolako informatika gelan, 17:30ean: Nafarroako hezkuntza ereduak eta programak. Atzo, gaur eta bihar. Sortzenek gidatuko du hitzaldi-debatea. Eta bigarrena, datorren ostegunean Lizarrako Maria Vicuña Gaztelekuan, 17:30ean ere, Paula Kasares soziolinguistaren eskutik, gurasoen zalantzak argitze aldera tailer-hitzaldia eginen da.

Gai honek jendartean sortzen duen eztabaidaren eredu, PAI eredua Garesen azaltzeko Nafarroako Gobernuak hango eskolan egindako bileraren albistea Garesko Auzalan webgunean (azken hau ere gaztelaniaz).

Irriherriren prentsa oharra

Irriherri elkartetik, Villatuertan PAI-ren berehalako ezarpenaren aurrean gure harridura eta kexa azaltzen dugu.

Nafarroako Hezkuntza Departamentuak hezkuntzarekin esperimentatzen jarraitzen du, inolako argitasunik gabe ingelesa sartzen saiatuz, hau guztia euskararen eskaeraren gorakada eragotzi nahian. Eredu hauek ez dute helburu argirik, hauen eraginkortasuna ikusteke dago eta emaitzak ez dira argitaratzen. Irakasleria ez dago prestatua, ingelesa ikastearren oinarrizko ikasgaien edukiari (mate, ingurune) uko egiten zaio. Pedagogiari uko egiten zaio. Argi dagoena, Ikastetxe askotan benetako eskaera D eredua dela. Hala ere, Ikastetxeak eremu mistoan edota ez-euskaldunean egotean, Nafar Gobernuak beste alde batera begiratzen du.

Nafar Gobernuak bere ereduak inposatzen ditu, kaltetutakoak kontsultatu gabe. Villatuertan, Lizarrara (D eredura) desplazatzen diren 30 haur daude, zenbat desplazatzen dira ingeleseko eredura? Nafar Gobernuak egiten dituen aldaketa hauek, gure herrietan izugarrizko eragina dute: haurren deslokalizazioa gehituz, egunero kilometro asko eginez, honek dakarren arriskuarekin eta hezkuntza kalitatea gutxituz.

Nafarroako Gobernuari, bere irizpidea inposatu baino lehen, prozesu honetan inplikaturiko alderdi guztiak kontsulta ditzala eskatzen diogu.

Villatuertan 2013ko urtarrilaren 25ean

lizarbeibar -ri buruz

Lizarraldeko edota Itzarbeibarreko euskarazko jardueraren bat iragarri nahi baduzu, jarri gurekin harremanetan. lizarbeibar@gmail.com
Post hau Irriherri atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s