Lizarrako Udalak euskara ikasteko bekak eskainiko ditu aurten

2013ko euskaltegiko barnetegia

(2012/2013 ikasturteko Lizarrako euskaltegiaren barnetegi arrunta Lekarotzen)

Lizarrako Udaleko 2013ko aurrekontuak hiru alderdiren artean adostu dituzte, gobernuan den UPN eta PSN zein Nabai. Azken honen proposamenaren harira aurten 7.000 euroko beka izanen da Lizarrako euskaltegiko ikasleendako. Euskal Herri osoan ohikoa den jarduna azkenean ere Lizarrara iritsi da, gure inguruan adibidez Deierri eta Garesko Udalek euskara ikasteko bekak eskaintzen dituzte. Aurtengo bekak 2012/2013 ikasturtean euskara ikasten aritu diren ikasleei bideratuta daude eta uztailaren 15etik 30era zabalduko da deialdia.

Beka eskatu ahal izateko ondoko dokumentazioa eraman beharko da: ikastaroa ematen duen entitatearen ziurtagiria, matrikularen ordainagiria, ikaslearen banku libretaren orrialdea kontu korronte zenbakiarekin eta, langabetua bada, Gizarte Segurantzaren Altxortegi Orokorrak ematen duen lan-bizitzaren ziurtagiria.

Jaso daitekeen diru laguntzarik handiena 250€koa izanen da, edota matrikularen %50a. Beka jasotzeko baldintzak: 16 urtetik goragokoa izatea, Lizarran erroldatuta izatea eta klasera %80ko asistentzia izatea. Horretaz gain, eta diru kopuru mugatua denez, lehentasuna izanen dute hurrenez hurren: aurrena diru-laguntzarik jasotzen ez duten langabetuek, ondotik diru-laguntza jasotzen duten langabetuak eta azkenik bertze hiritarrak (baldin eta ez dauden bertzelako euskalduntze planetan sartuta).

lizarbeibar -ri buruz

Lizarraldeko edota Itzarbeibarreko euskarazko jardueraren bat iragarri nahi baduzu, jarri gurekin harremanetan. lizarbeibar@gmail.com
Post hau Euskaltegiak, Euskaraz bizi nahi dut atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s