Zorionez eskualdeko euskal komunitatea biziegia da behar bezala jarraitzeko blogean

Euskarak 365 egun
Horrelako asteburuekin, norberak beretik emanez,
errazago dugu euskarak 365 egun izatea.

Eta hala da ostegunetik eta igandea bitarte hitzordu anitz izan ditugulako gurean. Ostegunean bertan Garesen Sonia Otxoa izan genuen Sahararen inguruko mintzaldia ematen. Hogeita hamar lagun inguru bertaratu ziren eta hemen duzue Errobi euskaltegiak eginiko kronikatxoa. Ordu berean baina Lizarran oraingoan, Nerea Elustondok maisuki kontatu zigun Bertsolaritzaren historian emakumeek izandako tokia. Geure arreta bereganatuta zuela, azkenean egun bertsolaritzan genero lan taldearen lanaren berri izan genuen.

Ostiralean aldiz, Ainhoaren hitzak hona ekartzea onena: “Mintzafari bikaina atzokoa. 18 lagun bildu ginen atzo Utergako elkartean. Aurpegi berriak oraingo hontan eta betiko giro ona. Hurrengoa … azaroaren 39an,Garesen! kar, kar kar. Barkatu, 29an La Txapa elkartean“. Larunbata eguerdian aldiz Garesen berriro, euskararen inguruko bilakaeraren hausnarketa egiteko parada izan genuen 20 lagunetik gora; diagnostiko komuna eta etorkizunari begirako erronkak izan genituen ardatz. Arratsaldean Kamishibai emanaldia Karlismoaren museoan eta Lodosan bertso plaza. Azkenik, gauean Ruper Ordorikaren eskutik opari goxoa jazo genuen Berrotzako Iturriagan, kontzertu ederra herriko gaztetxean. Argazki eta bideoak ikusteko, jarraitu irakurtzen.

SaharaSahara
(“Sahara gure bihotzean”, argazkiak: Gares Euskaraz)

Saharalan-taldeak
(“Sahara gure bihotzean” eta “euskara komunitateaz hausnartzen”,
argazkiak: Gares Euskaraz)

Nerea Elustondo LizarranEuskarak 365 egun
(Bertsolaritza, feminismoa eta euskarak 365 egun ekimena)

Utergako mintza-afariaRuper Iturriagan
(Utergako Mintza-afaria -argazkia: Izarbeibarko AEK– eta Ruper Ordorika Iturriagan)

Ruper Ordorika Iturriagako gaztetxean:

lizarbeibar -ri buruz

Lizarraldeko edota Itzarbeibarreko euskarazko jardueraren bat iragarri nahi baduzu, jarri gurekin harremanetan. lizarbeibar@gmail.com
Post hau Euskaraz bizi nahi dut atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s