Euskal hiztunak biderkatzeko trukua… zure esku dago!

Joan den astean blogean galdetu genuen, nola esaten da “truco de magia” euskaraz? Erantzun anitzeko galdera izanik honako emaitza jaso genuen: magia trikimailua (%79), magia trukua (%14) eta magia amarrua (%7).

Argi dago beraz zuen hautua zein izan den. Baina, zer dela eta amarru hau? galdera honek trukua al dauka? Magia trikimailu honen bitartez 2014-2015 Mintzakidera animatu nahi zaitugu!


Magia

Gaur, astelehena 6, izen emate kanpaina abiatu berri dugu Lizarraldean eta Izarbeibarren. Kanpaina honen bidez, hizkuntza gaitasunak areagotu eta inguruko euskal hiztunak ugaritzea posible dela erakutsi nahi dugu; eta horretarako, euskaraz hobeto eta gehiago aritzeko, eta euskal hiztunak biderkatzeko, mintzapraktika egitasmoetan parte hartzen dutenek jakin badakite ez dela magiarik behar, TRUKUA NORBERARENGAN DAGOELAKO!

Astean ordubetez arituta, hizkuntza gaitasunak hobetzen dituzte mintzalagunek. Eta astean ordubetez elkartuta, euskal hiztunak biderkatzen dituzte parte hartzen duten kideek. Horixe da mintzapraktika egitasmoen magia: ahalegin txiki eta atseginarekin, indarrak biderkatzen dira! Aurreko ikasturtean 5.500 mintzalagun baino gehiago elkartu ginen Euskal Herri osoan, eta gure eskualdean 100 lagunetik gora. Gaindituko al ditugu aurten kopuru hauek?

Izena emateko edo informazio gehiago jasotzeko:

*Izen ematea gaurtik hasita eta urri zehar zabalik izanen da. Urte osoan zehar izena eman daiteke baina egokiena orain egitea da taldeen osatzea errazteko

*Izen ematea doakoa da

*Izena emateko lekuak: Lizarrako eta Izarbeibarko AEK euskaltegiak, Lizarrako eta Garesko euskara zerbitzuak (Udaletxeetan) eta Garean euskara elkartea

*Zalantzak eta bestelakoak Mintzakide dinamizatzaileari: 672 050 155 telefonoan edo lizarbeibarmintza@gmail.com-en. Alfredo

*Mintzataldeak urriaren azken astean osatzen hasiko gara jasotako izen emateekin. Aurreko urteetan egonkortu diren taldeak gaurtik aurrera martxan jartzen saiatuko gara, urri bukaerara itxaron gabe.

Mintzakide Lizarralde eta Izarbeibar

lizarbeibar -ri buruz

Lizarraldeko edota Itzarbeibarreko euskarazko jardueraren bat iragarri nahi baduzu, jarri gurekin harremanetan. lizarbeibar@gmail.com
Post hau Euskaraz bizi nahi dut, Mintzakide atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s