“Poliki-poliki, progresiboki, apurka-apurka…”, gauza batzuek ezin itxoin: gurasoak garraio eta jantokia eskatuz

Ezin itxoin

Aurrekoan Mendigorria, Artaxoa, Iturriaga eta Larragako gurasoek egin bezala gaurkoan, Beriaingo, Tiebaseko, eta Elortz bailarako guraso talde batek Nafarroako Gobernuko Erregistroan 30 eskaera baino gehiago bideratu dituzte Hezkuntza Departamentura. Hirurogei haur eta hogeita hamar familia baino gehiago dira, ezin izan dutenak haien seme-alabak euskaraz matrikulatu.

ezin itxoin

Nafarroako zonalde “ez-euskaldunean” bizi diren familiak dira, “Vascuencearen Legea” dela eta gastu ekonomiko ikaragarri bati aurre egitera behartuak daudenak. Batzuetan haien kotxeetan haurrak eramaten, bestetan gurasoen artean haur eta lehen hezkuntzakoekin autobus bat antolatzen, eta baita Tiebasetik Beriainera mugitzen autobus hori hartu ahal izateko… edota eguerditan eskoletako jantoki zerbitzua erabili beharra, inolako diru-laguntzarik gabe (ezta Kontzentrazio-eskoletan dutenaren antzekoa ere ez diete ematen). Ulergaitza.

Horregatik, guraso hauek babesa exijitzen dute “Nafarroa osoan euskaraz ikasteko eta bizitzeko eskubidea dugulako, Nafarroako Gobernu berriari, hizkuntz-eskubiderik gabeko familia hauei“, batetik “gastu ekonomikoari aurre egiten” eta bestetik “herrietan D eredua zabaltzen“.

Gauza batzuek ezin dute “progresibotasunaren” menpe egon. Orain gutxi aipatu zidaten Lizarraldeko guraso baten kasua, lana mantendu eta haurrak euskaraz ikastearen artean aukeratu behar izan du. Euskara aukeratu omen du, zenbatek har dezakete hautu hori?

Alfredo

lizarbeibar -ri buruz

Lizarraldeko edota Itzarbeibarreko euskarazko jardueraren bat iragarri nahi baduzu, jarri gurekin harremanetan. lizarbeibar@gmail.com
Post hau Euskaraz bizi nahi dut atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s