Aste honetan Txokolipuinak, Irakurle Kluba, Bertso-afaria, Lizarran Kantuz eta Kantuz Txiki!

(Urriko Txokolipuinak, Irakurle Kluba, Kantuz eta Kantuz Txiki)

Udazkena bete-betean etorri zaigu gainera aste honetan eta horrekin batera, azaro amaiera izanik, Ander Deuna feriak Lizarran. Eguraldia hotz izanagatik ere, euskararen agenda bero-bero dago. Ez bat, ez bi, ez hiru, ezta lau ere, bost euskarazko jarduera ditugu Gareanen eskutik. Adin guztietarako gainera.

Asteazkenean txikienek Txokolipuinak izanen dute imajinazioarekin hegan egiteko; ostegunean, berriz, helduek eginen dute hegan Irakurle Klubean; ostiralean bertso afari mundiala Gure Hizkuntza elkartean; eta larunbatean Kantuz Txiki eta Kantuz izanen ditugu belarrien gozagarri. Hemen zehaztapen handiagoarekin:

Asteazken honetan, 18:00etan, Txokolipuinak izanen dugu, ikasturteko bigarren saioa. Ipuin sorta ederra izanen dugu Haur Hezkuntza 3. mailako eta Lehen Hezkuntza 1 eta 2 mailetako haurrei eskainia, bi euroan, askari goxoa eta Ines Bengoa ipuin kontalaria.

Txokolipuinak

Ostegunean, aldiz, Irakurle Klubaren txanda izanen da. Ohi bezala 19:30ean Liburutegian, oraingo honetan Unai Elorriagaren “Iazko hezurrak” eleberria izanen dute hizketa gai.

Iazko hezurrak

Ostiralean, 21:30etik aurrera, Bertso-afaria izanen dugu Gure Hizkuntza elkartean. Bi txapeldun handi etorriko zaizkigu, Julio Soto eta Andoni Egaña. Sarrerak salgai izanen dituzue oraindik Katxetas, Ino, Ikastola eta euskaltegian.

Kartela

Larunbatean, berriz, bi kantu saio izanen ditugu. Aurrena, 18:30ean, Kantuz Txiki izanen dugu Baxe Nafarroa kaletik abiatuta. Ohiko Kantuz-a baina haurrei egokituta, abesti eta dantza egin dezagun haiekin!

Egun berean, baina jarraian, 19:30etan, ohi bezala Lizarran Kantuz abiatuko da Baxe Nafarroa kaletik. Kantu alaian Santiago enparantza, Foru enparantza eta alde zaharra zeharkatu ondoren Baxe Nafarroa kalean amaituko da.

Lizarran Kantuz

Advertisements

lizarbeibar -ri buruz

Lizarraldeko edota Itzarbeibarreko euskarazko jardueraren bat iragarri nahi baduzu, jarri gurekin harremanetan. lizarbeibar@gmail.com
Post hau Euskaraz bizi nahi dut, Garean atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s