Kotarro_aldizkaria |

Kotarro aldizkariak 2007ko ekainean ekin zion bideari Lizarraldean eta Lizarran bereziki. Garean euskara elkartearen ekimen honek ordutik hona 30 ale baino gehiago argitaratu ditu. Kotarro aldizkariak urtean lau ale egiten ditu: otsail/martxo aldean bat (Inauterietarako edo Korrikarako), maiatzean (Lizarrako Puy egunerako), uztail bukaeran/abuztu hasieran (Lizarrako jaiak) eta azaroaren bukaeran (Lizarrako Ander Deuna abeltzainen feriarako) azkena.

Aldizkaria doakoa da, eta finantza iturri du, besteak beste, tokiko hainbat negoziok aldizkarian egiten dituzten iragarkiak, Garean euskaldunon elkarteak jasotzen dituen diru-laguntzak eta elkarteak berak dituen bazkidetze kuotak.

Argitaratze bakoitzean ehunka ale kaleratzen dira eta hiru bidetatik banatzen da. Batetik, hainbat laguni posta arruntez bidaltzen zaie, bestetik Lizarrako hainbat leku publikotan banatzen da (kiroldegia, tabernak, liburutegia, Gaztetxea, elkarteak, sindikatuak, aldizkariko iragarki jartzaileak … ) eta azkenik euskalgintzako kideen artean kopuru handiagoak banatzen dira (euskaltegia, Ikastola, eskola publikoak). Orrialde honetan argitaratutako Kotarro guztiak dituzue, urteka antolatuta.

(klikatu irudien gainean aldizkariak irakurtzeko)

KOTARRO ALDIZKARIA, pdf-ak hemendik aurrera Kotarro.eus-en

HEMENDIK AURRERA,
AZKEN ALDIZKARIAK
KOTARRO.EUS-EN

KOTARRO 2016